Description
ਦਰਾਵੜਾਂ ਦਾ ਦੁੱਲਾ
ਮਨਜੀਤ ਸਿੰਘ ਰਾਜਪੁਰਾ
ਉਹ ਉਹਨਾਂ ‘ਚ ਜੰਮਿਆ ਜਿੰਨ੍ਹਾਂ ਦੀ ਬਹੁ ਗਿਣਤੀ ਅੱਜ ਵੀ ਉਸਦੇ ਕਹੇ ਮੁਤਾਬਕ ਜਾਨਵਰਾਂ ਵਰਗੀ ਜਿੰਦਗੀ ਬਤੀਤ ਕਰ ਰਹੀ ਹੈ। ਛੂਆ-ਛਾਤ ਦੀ ਗੱਲ ਤਾਂ ਆਮ ਹੀ ਸਭ ਨੇ ਸੁਣੀ ਹੋਵੇਗੀ ਪਰ ਤਾਮਿਲਨਾਡੂ ਚ ਅਜਿਹੇ ਲੋਕ ਵੀ ਰਹਿੰਦੇ ਹਨ ਜਿਨਾਂ ਨੂੰ ਵੇਖਣਾ ਵੀ ਪਾਪ ਮੰਨਿਆ ਜਾਂਦਾ ਸੀ ਸੋ ਅਜਿਹੀ ਧਰਤੀ ਤੇ ਮਦਰਾਸ ਤੋਂ 600 ਕਿਲੋਮੀਟਰ ਦੂਰ ਤੁਤੂਕੁੜੀ ਵਿੱਚ ਜੀਵਨ ਸਿੰਘ ਦਾ ਜਨਮ ਕੈਥੋਲਿਕ ਇਸਾਈ ਪਰਿਵਾਰ ਵਿੱਚ ਹੋਇਆ । ਉਸ ਦਾ ਇੱਕ ਭਰਾ ਪਾਦਰੀ ਹੈ ਇੱਕ ਭੈਣ ਨਨ ਹੈ। ਉਸਦੀ ਘਰਵਾਲੀ ਵੀ ਇਸਾਈ ਮੱਤ ਵਿੱਚ ਯਕੀਨ ਰੱਖਦੀ ਹੈ ਉਸ ਨੂੰ ਪਹਿਲੀ ਵਾਰ ਓਸ਼ੋ ਦੀ ਕਿਤਾਬ ਪੜ੍ਹ ਕੇ ਸਿੱਖਾਂ ਬਾਰੇ ਪਤਾ ਲੱਗਿਆ ਫਿਰ ਜਦੋਂ ਉਸਨੇ ਕਾਂਸੀ ਰਾਮ ਦੇ ਭਾਸ਼ਣ ਸੁਣੇ ਤਾਂ ਉਸਨੂੰ ਮਹਿਸੂਸ ਹੋਇਆ ਕਿ ਉਸ ਵਰਗੇ ਕਰੋੜਾਂ ਲੋਕਾਂ ਦੀ ਮੁਕਤੀ ਸਿਰਫ ਸਿੱਖੀ ਵਿੱਚ ਹੈ । ਸਿੱਖੀ ਨਿਮਾਣਿਆ ਨਿਤਾਣਿਆਂ ਨੂੰ ਤਖਤ ਦੇ ਮਾਲਕ ਬਣਾਉਣਾ ਚਾਹੁੰਦੀ ਹੈ , ਬੱਸ ਇਹੀ ਚੀਜ਼ ਹੈ ਜਿਸ ਨੇ ਜੀਵਨ ਕੁਮਾਰ ਨੂੰ ਜੀਵਨ ਸਿੰਘ ਬਣਾ ਦਿੱਤਾ ਉਹ ਕਹਿੰਦਾ ਹੈ ਕਿ ਅੰਬੇਡਕਰ ਨੇ ਇਹੀ ਕੀਤਾ ਕਿ ਉਹ ਮਨੋਵਾਦੀਆਂ ਕੋਲੋਂ ਕੁਝ ਸਹੂਲਤਾਂ ਲੈਣ ਵਿੱਚ ਸਫਲ ਹੋ ਗਿਆ ਪਰ ਸਾਡੀ ਮੁਕਤੀ ਦਾ ਅਸਲੀ ਦਿਨ ਤਾਂ 1699 ਈਸਵੀ ਵਿਸਾਖੀ ਹੈ ਜਿਸ ਦਿਨ ਗੁਰੂ ਗੋਬਿੰਦ ਸਿੰਘ ਨੇ ਸਾਨੂੰ ਰਾਜੇ ਬਣਾਇਆ ਸੀ ਤੁਤੂਕੜੀ ਵਿੱਚ ਜਦੋਂ ਉਹ ਪੱਗ ਬੰਨ ਕੇ ਵਿਚਰਦਾ ਤਾਂ ਲੋਕ ਸੋਚਦੇ ਆ ਕਿ ਉਹ ਸਿੱਖ ਹੈ ਪੰਜਾਬੀ ਜਾਂ ਹਿੰਦੀ ਬੋਲੇਗਾ ਪਰ ਜਦੋਂ ਉਹ ਫਰਾਟੇਦਾਰ ਤਾਮਲ ਬੋਲਦਾ ਤੇ ਹਰ ਕੋਈ ਹੈਰਾਨ ਹੁੰਦਾ ਜੀਵਨ ਸਿੰਘ ਕਹਿੰਦਾ ਪੰਜਾਬ ਦੇ ਬਹੁਤ ਸਿੱਖ ਆਗੂ ਦਿੱਲੀ ਦੀਆਂ ਜੁੱਤੀਆਂ ਚੱਟ ਰਹੇ ਹਨ ਉਹ ਕਾਂਗਰਸ , ਭਾਜਪਾ ,ਆਮ ਆਦਮੀ , ਕਾਮਰੇਡਾਂ ਸਭ ਨੂੰ ਬ੍ਰਾਹਮਣਵਾਦ ਦਾ ਥੰਮ ਕਹਿੰਦਾ ਉਹ ਮੰਨਦਾ ਕਿ ਮਨੋਵਦੀ ਨੇਤਾ ਅੰਬੇਡਕਰਵਾਦੀਆਂ ਮੁਸਲਮਾਨਾਂ ਇਸਾਈਆਂ ਤੋਂ ਨਹੀਂ ਡਰਦੀ ਜਦੋਂ ਉਹ ਦਾਨ ਪ੍ਰਾਰਥਨਾਵਾਂ ਦੀਆਂ ਹੱਦਾਂ ਅੰਦਰ ਰਹਿੰਦੇ ਹਨ ਸਗੋਂ ਇਹ ਤਾਂ ਸਿੱਖਾਂ ਤੋਂ ਡਰਦੇ ਆ ਜੋ ਪ੍ਰਭੂ ਸੱਤਾ ਲਈ ਲੜਦੇ ਹਨ ਗੁਰੂਆਂ ਨੇ ਸਾਨੂੰ ਨਿਮਾਣਿਆਂ ਨੂੰ ਪਾਤਸ਼ਾਹੀ ਦੇਣ ਦੀ ਗੱਲ ਕਹੀ ਹੈ ਅਸੀਂ ਬੇਗਮਪੁਰਾ ਖਾਲਸਾ ਰਾਜ ਕਾਇਮ ਕਰਕੇ ਗੁਰੂ ਦੇ ਬਖਸ਼ੇ ਨਿਸ਼ਾਨ ਚਲਾਵਾਂਗੇ।
Reviews
There are no reviews yet.